تاج الفتاه العسليه

اسمك....؟
علياء
سنك...؟

مكتوب فى المدونه

مجال دراستك

الكليه اللى اسمها علوم دى
اسم مدونتك ..؟
نظره عين
الصوره الرمزيه لمدونتك بتعبر عن ايه ...؟
هى عباره عن صوره بنت جميله فى عيونها سحر رائع ومليانه بالحب والحنان
هل فكرت في اغلاق المدونه ؟ والسبب ..؟
بصراحه انا ماكنتش عاوزه ادخل العالم ده اصلا لانه عالم كبير مالوش اخر اما من ناحيه فكرت فى اغلاق المدونه فانا لسه مافتحتهاش اصلا
ايه رد فعلك لو حد قل ادبه عليك في تعليق ...؟
هههههههههههه
بس كده
اسوء مدونه...؟

والله اكيد فى مدونات كتير مش كويسه ومش ظريفه بس ماينفعش احكم على مدونه بمجرد انى شايفاها كده لان فى ناس كتير هتكون شايفاها احلى
هيحصل ايه للايميل بتاعك لما تموت...؟
هيكون مات زى مانا مت لان الايميل ده انا
اديت الباسوورد بتاعك لحد ...؟
بصراحه لاء بس مابتفرقش معايا
السفر بالنسبالك ايه ...؟

امنيه نفسى احققها
االمود بتاعك ؟

عال العال وقت الروقان

بصراحه المود بتاعى متقلب جدا مش عارفه لحد دلوقت احدده بس غالبا اكون فى مود الرومانسيه
بتعمل ايه في وقت فراعك..؟
بكون سرحانه فى بكره واللى ممكن يحصل وافتكر كل القديم اللى حصلى
الأكلة المفضله

المكرونه بالباشميل وبطاطس محمره
الصفات اللي ورثتها عن والدك.؟
العصبية

الصفات اللي ورثتها عن والدتك ..؟
الحنيه
اكتر ست حاجات بتكرهها...؟
الكدب,البخل,البرود,الانانيه,الخيانه,اليهودولا الكلب دول
اكتر ست حاجات بتحبها...؟
الصدق,الحنيه,الغيره,الاخلاص,مش لاقيه تانى اشمعنا سته يعنى
شخصيتك نوعها ايه....؟
متقلبه
لماذا دخلت عالم التدوين ؟
فاضيه فى يوم ولا قيت كلام حلو حبيت اشارك برايى وانا من النوع ده احب اظهر رايى بس
اجمل كلمه اتقالت في وصف مدونتك.....؟
والله لسه لانى لسه
أهمية التعليق بالنسبه ليك ؟
التعليق هو المدونه
احسن بوست كتبته؟
بقولكو لسة

افضل بوست قرأته ...؟
كتير

تمرر التاج لمين...؟
مفيش حد معين اعرفه

الحرامى والتباع

حبايبى ....الحقووووووووووووونى هااحكى لكم موقف حصلى النهارده يالهوووووووووى غريب بجد واول مره اشوف كده حاجه غريبه اوى والله بالنسبه لى مش عارفه بالنسبه لكم ايه بجد بس .....يوووووووووه ماتقولى ياست نظره بقى الله انتى هاتقعدى تتكلمى كتير كده ....حاضر حاضر هااقول اهو استنوا بقى

صلووووووووووا ع النبى "اللهم صلى عليك يانبى"

بقى النهارده وانا راجعه من الكليه كانت الساعه حوالى 6 المغرب كده وبعيد عنكم وعن السامعين لاقيت كالعاده مفيش مواصلات اضطريت اخد الاتوبيس بتاع المحافظه انا بصراحه مابحبش اركب الاوتوبيس ده لانه بيكون بطئ وزحمه وكده مانتو عارفين بقى اللى فيها ,المهم دخلت الاتوبيس ..ياساتر يارب ايه الاتوبيس النحس ده يالهوى انا دخلت فين مش عارفه المهم قعدت وابص للناس الاقى الناس كلها متنحه وبيبصوا لبعض كده وشكلهم اصلا مهنجين ع الاخر انا شوفتهم من هنا قلت اكيد خيييييييييييييير .المهم بقى الاوتوبيس كله هادى خالص وكله ساكت خالص والتباع كالعاده بياخد الاجره ,جه التباع عند واحد كده فى الاتوبيس وبيقوله

التباع: الاجره ياباشا

الراجل:مش دافع

التباع :ليه مش معاك فلوس؟

الراجل :معايا ومش دافع

التباع:هى بلطجه بقى

الرجل:اه بلطجه ولو مش عاجبك انزل

ههههههههههههههههههههههههههههههههههه

حلوه دى الزبون بيقول للتباع لو مش عاجبك انزل يلا مابقيتش فارقه

التباع:انزل؟ انت باين عليك كده شارب حاجه وعاوز اللى يفوقك طب ودينى مانا سايبك غير لما تدفع

وع اللى جرااااااااااااااا عنيكو ماتشوف اللى انا شوفته

الراجل مسك التباع من هدومه وهاتك ياضرب والتباع برضو بيضرب والاتوبيس اتحول الى صاله جيم كله بيضرب كله هههههههههههههههههههههههههههههه

المهم بقى الراجل كان معاه واحد صاحبه ومسكو التباع يوميها عدموه العافيه ضرب وشتيمه وقله ادب واخر سفاله

والناس قال ايه بتحوش !ياحواش حوش انتو ياناس لسه هاتحوشوا طب دول اتنين حراميه ومش بيدفعوا يبقى العمل ايه غير ن احنا نرميهم من الاتوبيس بجد بقيت قاعده مستغربه الموقف ده وفى حاله زهول وع اللى حصل ورا كمان يالهوووووووووى ع الستات وع اللى عاملوه مش ممكن بجد الستات يصوتوا ويلطموا على وشهم واللى عاوزه تنزل من الشباك واللى اغمى عليها واللى واللى ....بجد الستات كان ليهم دور عظيم ورائع صويتهم زود الخناقه ولطيمهم زود الضرب وانا مش عارفه اعمل ايه يمكن انا البنت الوحيده اللى فى الاتوبيس بقيت قاعده وقلت خلاص انا كده جيبت اخرى انا نازله المهم اجى انزل مش عارفه هانزل ازاى مااعرفش الناس كلهم اتجمعوا فى الطرقه المهم زقيتهم كلهم وروحت نازله ونزلت فى طريق زراعى والدنيا كانت ظلمه وقلت خلاص انا هااشاهد على روحى

واخييييييييييييييييييييييييييرا لاقيت التباع بيقولى يلا ياانسه اركبى عشان نمشى وركبت وخلاص هانمشى الا شوفت لكم الحراميه الاتنين طالعين تانى ومطلعين مطوه بقى وعاوزين التباع .

بس الحمد لله ربنا سترها الناس وقعوهم من الاتوبيس قبل مايدخلوا تانى ومشينا على طول

ايه رايكم بقى ف الموقف ده بجد مش موقف زباله بس مضحك بجد انا كل ماافتكر اليوم ده اموت على نفسى من الضحك

يلا ربنا يرحمنا بقى من ازمه المواصلات دى ومن الحراميه البجحه دول ...الحراميه كلهم مش البجحه بس

ايه معنى الحب ؟

الحب .. اجمل شئ فى الوجود الحب ده مش كلمه وخلاص الحب ده فعل مش معنى انى اقول لانسان انى بحبه يبقى انا كده فعلا بحبه... لاء طبعا

الحب ده عامل زى الزرعه كل ماتروى الزرعه بالماء كل ماتكبر وتكون احلى اهو الحب زيها كل ماتعطيه حنيه وعطف كل مالحب ده يزيد ويكبر

اهداء الى حبيبى....

حبيبى الغالى ... اريد ان اكتب لك كلمه اعجاب ولكن تلك الكلمه لااريدها بمعناها الحرفى

حبيبى الغالى...اريد ان اكتب كلمه اخرى تعبر عن حبى لك ولكن تلك الكلمه عجز عن نطقها لسانى وشجعنى لكتابتها قلبى ...وتوقفت عن كتابتها يداى ولكن دفعنى لكتابتها قلمى

حبيبى الغالى ...ماذا افعل الان ؟هل اطيع لسانى ويدى واسكت قلبى واكسر قلمى ؟

لا ..لا افعل ذاك او تلك ولكننى سافعل مايقوله قلبى ومايريده قلمى واكتبها لك الان واقولها باعلى صوتى" أحبك"

لم اجد اجمل من تلك الكلمه لاقولها لك واذا وجدت كلمه اخرى ماتاخرت بها عليك فانت الحب ذاته .

مراحب مراحب

الف مليون مرحب بكل زوارى للمدونه
انا لاول مره فى حياتى ادخل عالم التدوين اتمنى ان مدونتى تنال بعض اعجابكم

وسبب انى عملت مدونه انى شفت مدونات كتير حلوه وهدفها جميل

اطيب وارق التحيات لكم احبابى